ᑲᓇᑕᒥ ᐅᖃᓕᒫᒐᖃᕐᕕᒃ ᑐᖅᑐᖅᑕᐅᓯᒪᕝᕕᒡᓗ

ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ

ᐊᔾᔨᙳᐊᑦ ᑲᑎᖅᓱᖅᑕᐅᓯᒪᔪᑦ

ᓄᓇᖃᖅᑳᖅᓯᒪᔪᓕᕆᔨᒃᑯᑦ

ᓄᓇᖃᖅᑳᖅᓯᒪᔪᓕᕆᔨᒃᑯᑦ ᓴᖅᑭᑕᐅᓚᐅᖅᓯᒪᔪᖅ ᒐᕙᒪᒃᑯᑦ ᐃᓗᐊᓂ ᐱᓕᕆᕝᕕᐅᔪᒥᑦ, ᓯᕗᓪᓕᖅᐸᐅᖃᑕᐅᓪᓗᓂ ᒐᕙᒪᑐᖃᒃᑯᓐᓂᑦ ᑎᓕᔭᐅᓯᒪᔪᑦ ᐅᑭᐅᖅᑕᖅᑐᒥᐅᓂᒃ ᐱᓕᕆᐊᖃᖁᔭᐅᓪᓗᑎᒃ. 1922ᒥ, ᒐᕙᒪᑐᖃᒃᑯᑦ ᐱᒋᐊᖅᑎᑦᑎᓚᐅᖅᓯᒪᔪᑦ ᓄᓇᑦᓯᐊᕐᒥ ᔫᑳᓐᒥᓗ. ᒐᕙᒪᒃᑯᑦ ᐃᓗᐊᓂ ᐱᓕᕆᕝᕕᐅᔪᖅ ᐱᑕᖃᕈᓐᓃᕐᒪᑦ ᖑᑎᓪᓗᒍ, ᓄᓇᖃᖅᑳᖅᓯᒪᔪᓕᕆᔨᒃᑯᑦ, ᐃᓄᖕᓂᒃ ᑭᒡᒐᖅᑐᐃᖕᒥᓪᓗᑎᒃ, ᓴᖅᑭᑕᐅᓚᐅᖅᓯᒪᔪᖅ ᐅᔭᕋᖕᓂᐊᖅᑐᓕᕆᓂᕐᒧᑦ ᐊᒻᒪᓗ ᓄᓇᒥᙶᖅᑐᓕᕆᓂᕐᒧᑦ ᐱᓕᕆᕝᕕᐅᔫᖕᓂᒃ ᑎᓯᐱᕆᐅᑎᓪᓗᒍ ᑕᐃᔅᓱᒪᓂ. ᖃᐅᔨᒪᓪᓗᑎᒃ ᐅᑭᐅᖅᑕᖅᑐᒥᐅᑦ ᐃᓄᓕᕆᓂᕐᒧᑦ ᐋᓐᓂᐊᖃᕐᓇᖏᑦᑐᓕᕆᓂᕐᒧᓪᓗ ᑲᒪᒋᔭᐅᓕᕆᐊᖃᕐᓂᐊᕐᓂᖏᓐᓂᒃ ᓴᖅᑭᑦᑎᓚᐅᖅᓯᒪᔪᑦ ᐅᑭᐅᖅᑕᖅᑐᒥᐅᑦ ᓄᓇᖓᓐᓂᒃ ᐊᐅᓚᑦᑎᕕᐅᓂᐊᖅᑐᒥᒃ 1951ᖑᑎᓪᓗᒍ. 1953ᖑᓕᖅᑎᓪᓗᒍ, ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐊᒻᒪᓗ ᑲᓇᑕᒥ ᓄᓇᒥᙶᖅᓯᒪᔪᓕᕆᔨᒃᑯᑦ ᓴᖅᑭᑕᐅᓚᐅᖅᑐᑦ. 1966ᖑᑎᓪᓗᒍ ᓄᓇᖃᖅᑳᖅᓯᒪᔪᓕᕆᔨᒃᑯᑦ ᐱᒋᐊᖅᑎᑕᐅᓚᐅᕆᓪᓗᓂ (DIAND), ᒫᓐᓇ ᐃᒪᓐᓇ ᑕᐃᔭᐅᓕᖅᑐᖅ ᐊᓪᓚᐃᑦ ᐊᒻᒪᓗ ᐅᑭᐅᖅᑕᖅᑐᒥᐅᑦ ᐱᓕᕆᐊᖑᓂᖏᑦ ᑲᓇᑕᒥ.

ᐊᕐᕌᒍᑕᒫᑦ ᐅᑭᐅᖅᑕᖅᑐᒧᙵᐅᕙᓚᐅᖅᑐᖅ ᒐᕙᒪᒃᑯᓐᓂᑦ ᐊᑭᓕᖅᓱᖅᑕᐅᓪᓗᑎᒃ ᐱᒋᐊᖅᐸᓕᓚᐅᖅᓯᒪᕗᑦ 1900 ᓯᕗᓪᓕᖏᓐᓂᑦ. ᐅᓄᖅᑐᑦ ᐅᑭᐅᖅᑕᖅᑐᓕᐊᖅᐸᓚᐅᖅᑐᑦ, ᕿᓂᖅᓱᐃᔨ, ᐊᐅᓚᑦᑎᔩᑦ, ᖃᐅᔨᓴᖅᑏᑦ ᐊᒻᒪᓗ ᐋᓐᓂᐊᓯᐅᖅᑏᑦ ᐊᔾᔨᓕᐅᕆᓂᕐᒥᒃ ᐃᓕᓐᓂᐊᖅᓯᒪᔪᕕᓃᑦ ᐅᕝᕙᓘᓐᓃᑦ ᐊᔾᔨᓕᐅᕆᔨᓵᖃᑦᑕᓕᓚᐅᖅᑐᑦ. ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᑎᖅᓱᖅᓯᒪᔭᖏᑦ ᐅᑭᐅᖅᑕᖅᑐᒥ ᐊᔾᔨᙳᐊᑦᓴ ᐱᖃᓯᐅᔾᔨᓯᒪᕗᑦ ᐊᔾᔨᓕᐊᕆᓚᐅᖅᑕᖏᓐᓂᒃ ᕆᑦᓱᑦ ᓯ ᕕᓂ, ᕿᓂᖅᓱᐃᔨ, ᐊᔾᔨᓕᐅᕆᔨ, ᑕᕐᕆᔮᒃᓴᓕᐅᕆᔨ, ᑎᑎᕋᖅᑎ, ᐊᒻᒪᓗ ᐅᖃᐅᔾᔨᖅᓱᐃᔨ; ᓚᒃᓚᓐ ᑎ. ᐳᕐᐅᐊᔅ, ᐱᒋᐊᓕᓵᖅᖢᓂ ᐊᐅᓚᑦᑎᔨᐅᓚᐅᖅᑐᖅ ᒐᕙᒪᒃᑯᓐᓂ ᐃᓗᒻᒥᑕᓕᕆᔨᒃᑯᓐᓂ; ᐆᒪᔪᓂᒃ ᖃᐅᔨᓴᖅᑎ ᔫᓯᐱ ᑑᐃ ᓱᐳ; ᔭᐃ ᔨ >ᕋᐃᑦ, ᐊᐅᓚᑦᑎᔨ ᑲᓇᖏᓂᕐᒥ ᐸᓖᓯᒃᑯᓐᓄᑦ ᐊᒻᒪᓗ ᑲᓇᑕᒥ ᑕᑯᓐᓇᒐᒃᓴᓕᕆᔨᒃᑯᓐᓄᑦ ᐊᔾᔨᓕᐅᕆᔨ; ᐊᒻᒪᓗ ᓴ. ᔭᐃ ᐸᐃᓕ, ᐊᕕᒃᑐᖅᓯᒪᔪᓂ ᑐᑭᒧᐊᒃᑎᑦᑎᔨ ᑕᖅᑭᖅᓯᐅᑎᓄᑦ ᔫᑳᓐᒥ ᐊᒻᒪᓗ ᓄᓇᑦᑎᐊᕐᒥ. ᐊᓯᖏᑦ ᐃᓄᐃᑦ ᐊᔾᔨᓕᐅᓚᐅᖅᑕᖏᑦ ᓇᓂᔭᒃᓴᐅᔪᑦ (DIAND) ᓄᓇᖃᖅᑳᖅᓯᒪᔪᓕᕆᔨᒃᑯᑦ ᑲᑎᖅᓱᖅᓯᒪᔭᖏᑦ ᐅᑯᐊᖑᕗᑦ ᓲᕐᓗ ᓘᒃᑖᖅ ᓚᔅᓕ ᓕᕕᖕᔅᑕᓐ, ᒪᐃᔾᔪ ᑕᐃᕕᑦ ᐊᓪ ᒪᒃᓃᓐᑦ, ᐊᒻᒪᓗ ᐋᕕᓱ ᐊᓕᒃᓵᓐᑐ ᓯᑏᕙᓐᓴᓐ