ᑲᓇᑕᒥ ᐅᖃᓕᒫᒐᖃᕐᕕᒃ ᑐᖅᑐᖅᑕᐅᓯᒪᕝᕕᒡᓗ

ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ

ᐱᒋᐊᕈᑎ

ᐅᓂᒃᑳᑦ ᖃᓄᖅ ᐱᒋᐊᓚᐅᕐᒪᖔᑕ ᐱᓕᕆᐊᖑᔪᒥ ᐊᑎᖅᓯᐅᕐᓂᕐᒥᒃ

ᑖᒃᑯᐊ ᑲᓇᑕᐅᑉ ᐅᑭᐅᖅᑕᖅᑐᖓᓐᓂᕐᒥᐅᑕᐃᑦ ᐊᔾᔨᓐᖑᐊᓃᑦᑐᑦ ᑕᐅᓴᖏᓐᓂ ᐅᓄᖅᑎᒋᕗᑦ ᐊᒻᒪᓗ 1800ᖏᓐᓂᑦ 1900 ᕿᑎᖅᐸᓯᖓᓐᓄᑦ ᐊᔾᔨᓕᐅᖅᑕᐅᕙᓚᐅᖅᑐᕕᓃᑦ. ᑭᓯᐊᓂ, ᖃᔅᓰᓐᓇᒻᒪᕆᑯᓗᐃᑦ ᑖᒃᑯᐊ ᐊᔾᔨᓕᐅᖅᑕᐅᑎᓪᓗᒋᑦ ᐊᑎᖏᑦ ᓇᓗᓇᐃᖅᑕᐅᓚᐅᖅᓯᒪᖕᒪᑕ. ᓄᓇᕗᒻᒥᐅᑦ ᐃᑲᔪᕈᓐᓇᕐᓂᖃᓚᐅᖅᓯᒪᓐᖏᑦᑐᑦ ᐊᔾᔨᓐᖑᐊᑦ ᐊᑎᖅᓯᐅᖅᑕᐅᓗᑎᒃ ᓲᖃᐃᒻᒪ ᑖᒃᑯᐊ ᐊᔾᔨᓐᖑᐊᑦ ᓄᓇᓕᖕᒥᓂ ᐅᖓᓯᒃᑐᒻᒪᕆᐅᓚᐅᕐᒪᑕ, ᐊᒻᒪᓗ ᐊᔾᔨᓐᖑᐊᑦ ᖃᕋᓴᐅᔭᓄᐊᖅᑲᖅᑕᐅᓚᐅᖅᑎᓐᓇᒋᑦ, ᐊᔾᔨᓐᖑᐊᑦ ᓄᒃᑕᖅᑕᐅᔪᓐᓇᓚᐅᖅᓯᒪᓐᖏᒻᒪᑕ. ᑖᒃᑯᐊ ᐊᔾᔨᓐᖑᐊᑦ ᐊᑎᖅᓯᐅᖅᑕᐅᔭᕆᐊᖃᕐᓂᖏᑦ ᑐᐊᕕᕐᓇᖅᓯᖕᒪᑕ. ᐅᓪᓗᒥ ᐃᓐᓇᕆᔭᕗᑦ ᑭᖑᓪᓕᖅᐸᐅᔪᒃᓴᐅᓕᕐᒪᑕ ᐊᑎᖅᓯᐊᕈᓐᓇᖅᑐᑦ ᐊᔾᔨᓐᖑᐊᓃᑦᑐᓂᒃ ᑕᐃᔅᓱᒪᓂ ᐊᔾᔨᓕᐅᖅᑕᐅᕙᓚᐅᖅᑐᓂᒃ, ᑖᒃᑯᐊᖑᓐᓂᖏᑉᐸᑕ ᐊᔾᔨᓐᖑᐊᓃᑦᑐᑦ ᐊᑎᖏᑦ ᐊᓯᐅᑐᐃᓐᓇᕋᔭᖅᑎᓪᓗᒋᑦ.

ᓄᐊᑦᑎᕙᓪᓕᐊᔨᐅᕙᒃᑐᑦ ᐊᑯᓂ ᐃᓕᑕᖅᓯᓯᒪᓕᕋᓗᐊᖅᑎᓪᓗᒋᑦ ᐊᒥᓲᓂᖅᓴᐃᑦ ᐃᓄᐃᑦ ᐊᔾᔨᖁᑎᖏᑦ ᐱᓯᒪᔭᐅᔪᑦ ᓄᐊᑕᐅᓯᒪᔪᓂ ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖓᓐᓂ (LAC-ᒥ) ᓇᓗᓇᐃᖅᑕᐅᓚᐅᙱᒃᑲᓗᐊᖅᖢᑎᒃ, ᒥᐊᓕ ᐋᖓᔅ, ᐃᓕᓴᔨᐅᔪᖅ ᓄᓇᕗᑦ ᓯᕗᓂᒃᓴᕗᒃᑯᓐᓂ, ᐱᒋᐊᖅᑎᑦᑎᔪᒪᓕᓚᐅᖅᑐᖅ ᐱᓕᕆᐊᖑᔪᒥ ᐊᑎᖅᓯᐅᕐᓂᕐᒥᒃ. ᐊᒥᓱᓂᒃ ᐊᕐᕌᒎᔪᓂᒃ, ᐋᖓᔅ ᐋᕿᓱᐃᖃᑦᑕᓚᐅᕐᒪᑕ ᐳᓛᕆᐊᖃᑦᑕᕐᓂᖏᓐᓂᒃ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᖅᑎᖏᓐᓂᒃ ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖓᓐᓄᑦ, ᕿᓂᕐᕕᖃᖁᔨᓪᓗᓂ ᐊᔾᔨᖁᑎᓂᒃ ᓄᓇᓕᖕᒥᓂᙶᖅᑐᓂᒃ ᑎᑎᖅᑲᖁᑎᒋᔭᐅᔪᓃᑦᑐᓂ. ᐊᒥᓲᓂᖅᓴᐃᑦ ᐃᓄᐃᑦ ᐊᔾᔨᓕᐅᖅᑕᐅᓯᒪᔪᕕᓃᑦ ᐃᓕᑕᕆᔭᐅᖃᑦᑕᙱᑲᓗᐊᖅᖢᑎᒃ, ᐋᖓᔅ ᐱᒋᐊᖅᑎᑦᑎᔪᒪᓕᓚᐅᖅᑐᖅ ᐱᓕᕆᐊᖑᔪᒥ ᐊᑎᖅᓯᐅᕐᓂᕐᒥᒃ ᐃᓄᐃᑦ ᑕᑯᔪᓐᓇᖃᑦᑕᕐᓂᐊᕐᒪᑕ ᓄᓇᕗᒻᒥᐅᑦ ᐊᔾᔨᓂᒃ ᑲᑎᖅᓱᖅᑕᐅᓯᒪᔪᓂᒃ ᐃᓄᖕᓂᒃ ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖓᓃᑦᑐᓂᒃ, ᐅᖃᖃᑎᒌᒃᐸᓪᓕᐊᔪᓐᓇᖁᓪᓗᒋᑦ ᓄᓇᕗᒻᒥᐅᑦ ᒪᒃᑯᒃᑐᑦ ᐊᒻᒪᓗ ᐃᓐᓇᑐᖃᐃᑦ, ᐊᒻᒪᓗ ᐋᕿᐅᒪᑦᑎᐊᖁᓪᓗᒋᑦ "ᔭᒐᐃᔭᐅᓯᒪᔪᑦ" ᐊᑎᓪᓚᕆᖏᑦ.

ᐱᓕᕆᐊᖑᔪᒥ ᐊᑎᖅᓯᐅᕐᓂᕐᒥᒃ ᐱᒋᐊᖅᑎᑕᐅᓚᐅᖅᑐᑦ ᐅᑭᐅᒃᑯᑦ 2001-ᒥ ᐃᓚᒌᓕᖅᑎᓪᓗᒋᑦ ᐱᓕᕆᖃᑎᒌᖕᓂᐊᖅᑐᑦ ᓄᓇᕗᑦ ᓯᕗᓂᒃᓴᒃᑯᑦ, ᓄᓇᕗᑦ ᒐᕙᒪᒃᑯᑦ ᐃᓕᖁᓯᓕᕆᔨᒃᑯᖏᑦ, ᐊᒻᒪᓗ ᑲᓇᑕᒥ ᐅᖃᓕᒫᒐᖃᕐᕕᖕᒥ ᑐᖅᑯᖅᑕᐅᓯᒪᕝᕕᖓᓐᓂ. ᑕᐃᒪᙵᑦ ᓴᖅᑭᓚᐅᖅᑎᓪᓗᒋᑦ, ᐱᓕᕆᐊᕆᔭᐅᓯᒪᔪᑦ ᐊᒥᓱᒐᓴᖕᓂᒃ ᑲᔪᓯᓯᒪᓕᖅᑐᑦ ᐊᕕᒃᑐᖅᓯᒪᔪᓂ ᐱᓕᕆᐊᖑᕙᓪᓕᐊᓪᓗᑎᒃ.

Photograph of students from Nunavut Sivuniksavut Training Program seaching the card catalogues at Library and Archives Canada, Ottawa, November 2004. Left to right: Nadia Mike-Dulmage and Jennie Soucie, both from Iqaluit (formerly Frobisher Bay), and Annie Aningmiuq of Pangnirtung (Pangnirtuuq)

ᐃᓕᓐᓂᐊᖅᑏᑦ ᓄᓇᕗᑦ ᓯᕗᓂᒃᓴᒥᒃ ᕿᓂᖅᑐᖅ ᑎᑎᖃᖁᑎᖏᓐᓂᒃ ᐅᖃᓕᒫᒐᖃᕐᕕᖕᒥ ᐸᐸᑦᑎᕕᖕᒥᓗ ᑲᓇᑕᒥ. ᓴᐅᒥᖕᒥᒃ ᑕᓕᖅᐱᖕᒧᑦ: ᓈᑎᐊ ᒪᐃᒃ-ᑐᓪᒪᔾ ᐊᒻᒪ ᔨᐊᓂ ᓲᓯ ᐃᖃᓗᖕᒥᐅᑖᒃ ᐊᒻᒪᓗ ᐋᓂ ᐊᓐᓂᕐᒥᐅᑦ ᐸᖕᓂᖅᑐᕐᒥ.
ᓄᕕᐱᕆ 2004
ᓇᑭᑦ

Photograph of Cathy Anablak of Cambridge Bay (Iqaluktuuttiaq) and classmate from Nunavut Sivuniksavut Training Program, searching the card catalogues at Library and Archives Canada, Ottawa, October 2005

ᑳᑎ ᐊᓇᑉᓚᒃ ᐃᖃᓗᒃᑐᑦᑎᐊᕐᒥ ᐃᓕᓐᓂᐊᖃᑎᖓᓗ ᓄᓇᕗᑦ ᓯᕗᓂᒃᓴᒃᑯᓐᓂᒃ, ᕿᓂᖅᑐᑦ ᑎᑎᖃᖁᑎᓂᒃ ᐅᖃᓕᒫᒐᖃᕐᕕᖕᒥ ᐸᐃᐹᑐᖃᖃᕐᕕᖕᓂᓗ ᑲᓇᑕᒥ.
ᐊᒃᑐᕙ 2005
ᓇᑭᑦ

Photograph of Corenna Nuyalia (front) from Iqaluit (formerly Frobisher Bay) and Thomas Aggark (back) of Arviat (formerly Eskimo Point), students from Nunavut Sivuniksavut Training Program, seaching the card catalogues at Library and Archives Canada, Ottawa, October 2005

ᑯᐊᕆᓇ ᓄᔭᓕᐊᖅ ᐃᖃᓗᖕᓂ (ᓯᕗᓪᓕᖅ) ᐊᒻᒪᓗ ᑖᒪᔅ ᐊᒡᒑᖅ (ᑐᓄᐊᓂ) ᐃᓕᓐᓂᐊᖅᑏᑦ ᓄᓇᕗᑦ ᓯᕗᓂᒃᓴᕗᒻᒥ ᕿᓂᖅᑐᑦ ᑎᑎᖃᓂᒃ ᐅᖃᓕᒫᒐᖃᕐᕕᖕᒥ ᑎᑎᖃᕕᓂᖃᕐᕕᖕᒥᓗ ᑲᓇᑕᒥ.
ᐊᒃᑐᕙ 2005
ᓇᑭᑦ

ᐅᑎᒧᑦ | ᑐᒡᓕᐊᓄᑦ

Common menu bar links

Liens de la barre de menu commune

ᑎᒦᑦ ᑲᓱᕐᕕᖏᑦ

ᐊᑎᖅᓯᐅᕐᓂᕐᒥᒃ ᐱᓕᕆᐊᖃᕐᓂᖅ

ᐱᒋᐊᕈᑎ

ᐅᓂᒃᑳᑦ ᖃᓄᖅ ᐱᒋᐊᓚᐅᕐᒪᖔᑕ ᐱᓕᕆᐊᖑᔪᒥ ᐊᑎᖅᓯᐅᕐᓂᕐᒥᒃ